රග්බි ලෝක කුසලාන තරගාවලියේ තුන්වන ස්ථානය සදහා පැවති තරගයෙන් ජය ගැනීමට දකුණු අප්‍රිකාව සමත් වුනා. ඔවුන් ආජන්ටිනා කණ්ඩායම පරාජය කලේ ලකුණූ 24 ට 13ක් ලෙසින්. තරගය පැවැත්වුනේ ලන්ඩනයේ ඔලිම්පික් පාක්හිදී. තරගයේ පළමු අර්ධයේදී 16 -0ක් ලෙස ඉදිරියෙන් සිටීමට දකුණු අප්‍රිකාව සමත් වුනා. දෙවන අර්ධය නිමාවන විට උත්සහක දිනුම් 2ක් ප්‍ර‍වර්තන ගෝලයක් සහ දඩුවම් පහර 4ක් මගින් ඔවුන් ලකුණු 24ක් රැස් කරගත්තා. උත්සහක දිනුමක්, ප්‍ර‍වර්තන ගෝලයක්, දඩුවම් පහරක් සහ ඩ්‍රොප් ගෝලයක් වාර්තා කල ආජන්ටිනාව රැස්කරගත් ලකුණු…

චීන විවෘත ටෙනිස් තරගාවලියේ පිරිමි කේවල ශූරතාව දිනා ගැනීමට සර්බියාවේ නොවැක් ජොකොවිච් සමත් වුනා. ඔහු අතින් වට 2-0ක් ලෙස පරාජයට පත්වුනේ ස්පාඤ්ඤයේ රෆායල් නඩාල්. 6-2ක් බැගින් වට දෙකේම ලකුණු සටහන් වුනා. කාන්තා ශූරතාවය හිමිකරගත්තේ ස්පාඤ්ඤයේ ගාබින් මුගුරුසා විසින්. ඇය අතින් වට 2-0ක් ලෙස පරාජයට පත්වුනේ ස්විස් ක්‍රීඩිකා ටිමියා බැක්සින්ස්කි. 7-5ක් සහ 6-4ක් ලෙසයි ලකුණු තත්වය සටහන් වුනේ.

ශ්‍රී ලංකා සහ නවසිලන්ත ඒ කණ්ඩායම් අතර එක්දින ක්‍රිකට් තරගාවලිය 3-0ක් ලෙස ජය ගැනීමට  නවසීලන්තය සමත් වුනා. ඊයේ පැවති තුන්වන එක්දින තරගය ඔවුන් ජයගත්තේ ලකුණු 117කින්. පළමු වෙන් පන්දුවට පහරදුන් නවසින්ත ඒ කණ්ඩායම පන්දුවාර 50 අවසානයේ කඩුලු 9ක් දැවී ලකුණු 302ක් රැස්කලා. විල් යංග් ලකුණු 85ක් ලබාගත්තා. ෂෙහාන් ජයසූරිය කඩුලු 3ක් දවාගත්තා. පිළිතුරු ඉනිම ක්‍රීඩා කල ශ්‍රී ලංකා ඒ පිල පන්දුවාර 40.5කදී ලකුණු 185කට සිමා වුනා. නිරෝෂන් දික්වැල්ල අර්ධ ශතකයක් වාර්තා කලා. තරග 4කින් යුත්…

ගොල්ෆ් ශූර රෝරි මැක්ලෝරි ආහාර විෂවීමකට ලක්ව රෝහල් ගත කර තිබෙනවා. ෂැන්ග්හයි හි පැවැත්වෙන අන්තර්ජාතික ගෝල්ෆ් ශූරතා තරගාවලියට එක්වීමට සිටින අතරතුරයි ඔහු මෙම තත්වයට මුහුණ දී තිබෙන්නේ. අගහරුවාදා රාත්‍රී ආහාරයට ගත් යමක් නිසා මෙම තත්වයට මුහුණ දීමට සිදුවූ බව රෝරි සදහන් කලා. මේ වන විට ඔහුගේ තත්වය සුව අතට පත්වෙමින් ඇති බවයි වෛද්‍යවරු පවසන්නේ. තවත් දින දෙකක් පමණ විවේක ගැනීමෙන් පසු තරගාවලියට එක්වන බව රෝරි සදහන් කලා. ලෝක ශ්‍රේණිගත කිරීම්වල තුන්වන ස්ථානය ඔහුට හිමිව තිබෙනවා….